देशवा का ऊपर उठावा ( लोकगीत )
लहकल चमनवा में आग जिन लगावा
हिलि–मिलि देशवा का ऊपर उठावा ।
नेह कै नगरिया इ देशवा हमार
घुसि अइले यहिमा बैरी दुइ–चार
प्रेम की जैजतिया का लुटै से बचावा
हिलि–मिलि देशवा का ऊपर उठावा ।
देश कै धरनिया बा रत्नन कै खान
यहिमा बहत गंगा माई कै परान
श्रम के पसिनवा से मोतिया उगावा
हिलि–मिलि देशवा का ऊपर उठावा ।
मन से निकारि द्या तु मज़हब कै भूत
हिन्दवासी सबकेहू हिन्द कै पूत
लड़ि–लड़ि देशवा का बल ना घटावा
हिलि–मिलि देशवा का ऊपर उठावा ।
श्रवण, दधीचि, भट्ट, नेताजी कै देश
गूँजत जहँनवा में जेनकै संदेश
त्याग का, परार्थ का उ पाठ ना भुलावा
हिलि–मिलि देशवा का ऊपर उठावा ।
कोई टिप्पणी नहीं:
एक टिप्पणी भेजें